لمحبي الشباب والحيوية 000لا تدخن

[سيرين نور]

قال باحثون إن التدخين يزيد من خطر الإصابة بعته الشيخوخة ، حيث أن احتمال إصابة الأشخاص المدخنين بمرض الزهايمر يزيد بالمقارنة مع الأشخاص الذين أقلعوا عن التدخين أو لم يدخنوا في حياتهم 0
وفي مركز للأبحاث في هولندا وجدوا أن المدخنين فوق 55 تزيد احتمالات إصاباتهم بنسبة 50% ، كما أثبتوا أن التدخين يمكن أن يسبب سكتات دماغية صغيرة التي تصيب المخ بتلف يسبب عته الشيخوخة ، كما يمكن أن تكون هناك أن تكون هناك آلية أخرى من خلال الإجهاد التأكسدي الذي يمكن أن يتلف الخلايا في الأوعية الدموية والتي تؤدي إلى تصلب الشرايين ،حيث أن المدخنين يصابون بإجهاد تأكسدي أكثر من غير المدخنين ، وهو عملية مشابهة للصدأ تتلف فيها التفاعلات الكيميائية الحمض النووي 0

للمزيد من مواضيعي

 

[السباعي]

[Squall]

مع الاسف صار في هلق كتير برامج توعية عن اضرار التدخين و اغلب المدخنين بيعرفوا اضرار التدخين حتى قبل ما يبدوا باستعمال السجائر و مع هيك بدخنوا حتى انو بتلاقي كتير دكاترة اللي هنن اكتر ناس بيعرفوا اضرار هالسم و مع هيك.......بحششوا هالبطيخ!!!!!!!!!


بالفعل و اسفاه

[سيرين نور]

المشاركة الأصلية كتبت بواسطة Squall [عزيزي الزائر يتوجب عليك التسجيل للمشاهدة الرابطللتسجيل اضغط هنا]

مع الاسف صار في هلق كتير برامج توعية عن اضرار التدخين و اغلب المدخنين بيعرفوا اضرار التدخين حتى قبل ما يبدوا باستعمال السجائر و مع هيك بدخنوا حتى انو بتلاقي كتير دكاترة اللي هنن اكتر ناس بيعرفوا اضرار هالسم و مع هيك.......بحششوا هالبطيخ!!!!!!!!!


بالفعل و اسفاه

هون المصيبة ، في السابق كان الجميع لا يدركون أخطار التدخين ولكن مع تطور العلم وتوعية الناس بات الجميع يدركون المخاطر التي لا تحصى عن التبغ ورغم ذلك يدخنون بسعادة000!!!!!

[مُحب الله]

ببريطانيا من فترة أسبوع بلشوا يحطوا صور مريعة للرئتين والقلب وبقية أعضاء الجسم على علب السجائر

وبرأيي يمكن تعطي نتيجة أكتر من الكلام الكلاسيكي -التدخين يضر بصحتك وهو السبب الرئيسي لأمراض القلب والشرايين-

كل مابشوف شخص بيدخن بحمد الله على نعمه علي بأنو أكرمني وجنبني هالأفة اللي بتقتل الإنسان عالبطئ

علاوة عن ذلك ياإخوة فقد ثبت حرمانية التدخين بشكل قاطع على لسان كل علماء الأمة

فحذاري حذاري بالتهاون في معصية الخالق.... قال رسول الله صلى الله عليه وسلم:( إياكم ومحقرات الذنوب فإنهن يجتمعن علي الرجل حتى يهلكنه )

نسأل الله أن يخلص شباب الأمة من هذه الأفة...

لكم تحياتي

[سيرين نور]

أنا بخالفك لأنو لو الصور كانت بدها تمنع المدخن كان الأطباء أول الناس الي ما دخنوا فأكيد شايفين صور بتكفي وبتوفي، بس هالشي ما صار ونسبة لا بأس بها من الأطباء يدخنون 0

[Squall]

بريطانيا و اميركا و غيرا من الدول بلشت تتصدى بشكل جدي للتدخين من خلال اجراءات منع و تحديد اماكن التدخين ....هي صحيح انو ما بتعطي تأثير قوي بمكافحة التدخين بس ع القليلة عم يحاولوا و بتصور صار لازم ببلدنا تتاخد هي قرارات لانو اول شي بتحمينا نحن اللي ما مندخن و تاني شي بتقلب الصورة اللي عند المدخنين بانو هنن اشخاص كبار و مسؤولين لاشخاص محتقرين من قبل المجتمع و بصير المدخن بيعرف انو ما الو غير الشارع يحشش في متل الشحادين

[أبو جعفر]

طيب موافقين بس كل هالحكي بنعرفه وزياده ومابيفيد واحد مدمن صدقوني اللي إيده في المي ماو متل الإيده في النار هل هناك نصائح عمليه أنا صرلي فتره طويله عمبدور على لصاقات أو علكة نيكوتين وما عمبلاقي مع علمي بقلة فرص نجاحها بس حابب أجرب حدا بيعرف وين بينباعوا