التعاقد مع الجيش

[K.A.R.A.M]

شباب أنا ما عرفت وين ممكن حط هالموضوع بس بالأخير قلت بدي حطو هون...
على كل حال شباب أنا اكتير بيهمني أعرف عن كيفية التعاقد مع الجيش... وشو هي حسنات التعاقد و سيئاتو .. وشو هي نوعية البعثات اللي ممكن الطالب يستفيد منها بهالحالة.؟؟ و لوين بتكون هي البعثات ؟؟؟
و شكرا

للمزيد من مواضيعي

 

[hermione33]

up plzzzzzzzzzz..
ليش ما حدا رد عالموضوع .... يا رت يلي بيعرف يجاوب .... و يخبرنا كل شي بيتعلق بالموضوع .

[c-802]

انا كمان ناوي على التعاقد مع الجيش
يعني فتحة دورة هالسنة ؟
وضلو متابعينا الاخبار
مشكورين

[KHALEEED]

أن شاء الله بحاول أسألك رفقاتي التي متعاقدين مع الجيش(وزارة الدفاع) وبخبركم بأسرع وقت ممكن


تكرمووووووا

[mmh]

السلام عليكم
انا طالب سنة 5 واخي خلص البكلوريا و حابب يستفسر عن مفاضلة الجيش
كيف بتكون العلامات و الشروط و الالتزام
وهل يحق لطلاب الطب حاليا التعاقد ايضا
وشكرا لكم

[SPOT LIGHT]

أخواني الكرام رح قدم المعلومات اللي بعرفها وانا ما تعاقدت بس سألت واللي بعرفو رح احكيه....
بالنسبة لطلاب الطب الحاليين (يعني اللي عم يدرس مثلاً سنة خامسة او تالتة ....الخ)فالتسجيل مفتوح لهم ولهم الأفضلية في القبول اكثر من المستجدين وبسجلوا مع صدور الإعلان اللي بكون عادةً خلال هالشهر وانا سمعت انو مارح يطول....
طبعاً في فحص طبي والمفاضلة فقط للمستجدين وبظن بالنسبة للطلاب الحاليين لازم يطلعو كشف علامات.....المهم انو الاوراق المطلوبة رح تكون موجودة بالإعلان....
أول سنة ما بتاخد راتب بس بالصيفية بيعطوك راتب سبعة او ثمانية أشهر كاملة (بيجمعولك ياهن يعني)...
وبعد التخرج في دورة 6شهور(بس مومتأكد) وبعدها سنتين خدمة في القطعات العسكرية وبعدها بيصير التخصص بتروح على المشفى وبيصير في مفاضلة حسب الاختصاص ضمن المشفى ذاته (طبعاً أخف بكتير من مفاضلة الجامعات) يعني كل اختصاص بيكون متوفر منه عدة شواغر في المشفى والأعلى معدلاً يقبل في الاختصاص بس هنن بيحطو مغريات ومزايا للاختصاص اللي محتاجينو وسمعت انو في اختصاصات متوفرة فقط للطلاب الحاليين وليست متوفرة للطلاب المستجدين(هاد اللي سمعتو) أما البعثات فهي كانت من زمان موجودة وكانت معظمها لبريطانيا بس هلا خفت وحتى صار في تأخير فيها وماعاد في بعثات بتحرز وصارت البعثات معظمها داخلية وبصراحة البعثات اللي عم يأمنها الجيش مو متل البعثات اللي من قبل وزارة التعليم العالي ابداً....بس سمعت مؤخراً انو رح يرجعو يدعمو موضوع البعثات والله أعلم .....
بتمنى كون فدتكم بالموضوع بس هي المعلومات اللي بعرفها واذا عرفت شي جديد مارح قصر.......سلااااااااااااام....

[hermione33]

بتروح على المشفى وبيصير في مفاضلة حسب الاختصاص ضمن المشفى ذاته

يعني غير صحيح انو هنن بيختاروا للشخص المتطوع اختصاص حسب حاجتون .. لأن أنا هيك سمعت.. ؟؟؟
والخدمة بالقطعات العسكرية شو يعني وين هي ؟؟ و بتصير للشب و البنت ؟؟ وشوبدو يعمل الواحد فيها اذا لسا متخرج جديد و مو مبلش اختصاص ؟

و كمان سؤال هل في فوائد اذا كان الواحد ابو ضابط ....
وشكرا كتيييير عالأجوبة

[mmh]

السلام عليكم
بدي اسال عن الدوام اثناء الدورة و الاختصاص
هل هو كاي دوام ام انه اقامة مثل الضباط العاديين
و ما الرتبة التي يتخرج الواحد بها