أنا بدي جواب واحد بس من طلاب السنوات من الثانية لحتى السادسة

[osama sitamol]

دراسة الطب بهيدول السنوات صعبة والا سهلة

اختاروا من الأستفتاء ومحدا يقلي نص ع نص مافي شي أسمو رمادي يا أبيض يا أسود

تحياتي

للمزيد من مواضيعي

 

[zeina889]

مع انو السؤال ما موجه إلي لأني ما عم ادرس طب
بس ما في شي سهل وكلو بدو تعب ولازم يتحمل الانسان مسؤلية واقعه

بالتوفيق

وانشاءالله يجيك جواب شافي من اصحاب الخبرة...

[abuhaseeb]

مع احترامي لموضوعك...

سؤالك ما إلو جواب برأيي

[شاعر وطبيب]

يا سيدي الكريم.. دراسة الطب تصبح سهلة تدريجياً مع ازدياد المعرفة الطبية..

والسبب أن الكثير من الأمراض تحتاج إلى أسس من التشريح والفيزيولوجيا وهذه المواد هي مواد السنة الأولى والثانية، وبعد ذلك كلما ازددت معرفة أصبح الأمر سهلاً لأنه يصبح مكرراً..

وعندما تتخرج وتبدأ بالممارسة ستجد أنك تحفظ المعلومة بسرعة لأنك تقرن العلم بالعمل..

لذلك ستجد نفسك في البداية ضائعاً في بحر لجي.. ثم تبدأ بالعوم رويداً رويداً.. وتصبح طبيباً ناجحاً بإذن الله.. وفقك الله ..

[osama sitamol]

شكر كتير أخي شاعر وطبيب

هيدا فعلا الجواب الشافي الي كنت عم ابحث عنوا بس يمكن حطيت السؤال بمكان مو مناسب

شكرا كتير

[angelos]

والله يا عزيزي الجواب رمادي كتير ....
وفيه مزيج من السهولة والصعوبة
السهولة وضحها الأخ ( شاعر وطبيب ) ....
والصعوبة واضحة كمان ... المعلومات عم تكتر والمواد الطبية عم تصعب وتتشعب محتوياتها .....
بعدين السنة الأولى مانها بداية حتى للطب ....
هيدا مو حكيي ...هيدا حكي أطباء
يعني شو بدو يسوي الدكتور بالقسم العلوي للحافة الوحشية للوجه الأمامي للوح الكتف ؟!؟!
الطب بيبدأ على رأي الأكبر مننا بالأعراض والأدوية والتشريح المرضي وووو ......
وعلى هذا لا أقول الصعوبة تزداد لكن على الأقل التعمق والغوص في الأمور الطبية يزداد ....
مع ذلك ماني قادر جاوب على الإستفتاء صراحة ....
وشكراً إلك

[Tarek-R]

كبير يا جوجو

[Usef48]

بما انو الشخص دخل على الطب برغبته

معناتا لازم يكون بيحب الطب .. وهالشي بيترسخ عند الطالب خلال السنتين الرابعة والخامسة خاصة ... لأنها هي قلب الطب

أما السنوات الاولى والتانية ... معظمها معلومات أساسية لا تستحق أكثر من الحفظ التجاري (( على مبدأ احفظ لوقت الفحص .. وبعدين اعمل format ))

لهيك .. أنا بشوف - بصفتي طالب سنة تانية - أنو السنوات التالية رح تكون أسهل .. لأنها متعمقة أكثر في الطب .. وهالشي بالنسبة لطالب دخل على كلية الطب برغبته حصراً

لهيك .. انا حالياً بشوف انو السنة التانية أحلى من الأولى بمية مرة ... عالرغم من وجود مواد تقيلة دم