للمساعدة .... لماذا يجمد الجهاز

[عاشق الغزالي]

الشكاية الرئيسية :الجهاز يجمد
الأعراض والعلامات : الجهاز يجمد عند عرض الفلاشات والصور أو تشغيل الميديا بلاير على صوت وصورة .... أو عند تنزيل برامج أوفيس ... أو عند قراءة ملف pdf أحياناً ....
العلامات المساعدة : كرت الشاشة سليم ... و الذواكر سليمة ....
بانتظار الحل ....
السلام عليكم ....

للمزيد من مواضيعي

 

[مُحب الله]

هلأ للوهلة الأولى لو كنت مالي حاكي معك عالتلفون ياكامل مشان هالشغلة

كنت قلت شغلة نظام يعني تعارض بين الويندوز وأحد هالأجهزة(كرت شاشة,مازر بورد)

حاول تجرب كرت شاشة على جهازك وشوف اذا الوضع تغير ولاتكتفي بتجريب كرت شاشتك على غير جهاز

وإذا في أحد الشباب عندو غير طرح فليتفضل مشكوراً

السلام عليكم ورحمة الله وبركاته

[Black Angel]

سلامة يا جماعة ...

هلق هالشغلة عبتصير معك من جديد ؟؟ يعني كان جهازك شغال نظامي بس هلق بلش ياخد ويعطي ؟؟؟ اش الويندوز اللي عمتستعملو ؟؟؟ وجهازك شلونو يعني متخلف ولا ماشي حالو ؟؟ لانو انا على جهازي القديم حرمت اشوف فلاشات لانو مستحيل يشتغلو كويس والميديا بلاير تبع الويندوز انا برايي كتير تعيس يعني في كتير برامج تانية احسن واسرع ( من ناحيتي الوين امب مشان الموسيقى )
طيب حبيب انت مركب شي جديد للجهاز ؟؟ مودم او كرت شاشة او كرت صوت ؟؟؟ اذا اي جرب تشيلو وتشيل تعريفو وشوف
طيب انت منزل شي جديد ؟ برنامج او انتي فايروس وخصوصا الانتي فايروس كتير بيحرق الجهاز ؟؟ اذا اي كمان جرب تشيلو وتشوف ..
بامكانك تشوف معالجك شقد عبشتغل ( اذا كان ويندزك اكس بي ) عميل الت كنترول ديليت وشوف من تحت
cpu usage
وشوفها اذا عالية وطلع في
processes
وشوف اذا في شي شغال انت ما بتعرفو

يعني بالنتيجة شغلة التعليق شغلة تاريخية ومالها سبب معين .. بس انت شوف اش في شي جديد عاملو بجوز يكون السبب واذا ما صار معك شي فبجوز ويندوزك بلش يموت ابقا امحيو ونزل غيرو

ان شاء الله اكون فدتك .. سلام

[عاشق الغزالي]

يعطيكن العافية يا شباب ....
بدي أقول أنو الويندوز xp service b2 وهو أفضل شي ناسب الجهاز من ناحية تقليل الجمود ......والجمود ألو شي شهرين بس هلأ صار مقرف .... ووبالنسبة لبرامج الصوت والصورة كلهن عبيجمدوا بلا استثناء ...... جهازي بنتيوم 3 والذواكر 256 ...... ما عندي أي برنامج فيروسات بس عملت للهارد فحص على نورتون محدث ...... cpu20 ......process20 .... وأنا بتابع الأخبار و البرامج الوثائقية وأفلام الكرتون .....
شكراً ..لأبو عبدو والملك الأسود ...
..السلام عليكم .....

[Black Angel]

المشاركة الأصلية كتبت بواسطة عاشق الغزالي

بدي أقول أنو الويندوز xp service b2 وهو أفضل شي ناسب الجهاز من ناحية تقليل الجمود .....

معناها كان عبجمد عندك من زمان وبعدين نزلت الاكس بي خف الجمود يعني المهم انو كان عبجمد معناها من زمان لذلك الشغلة برايي انو ما شغلة ويندوز بتوقع العذر عدم توافقية بالقطع اللي عندك والاغلبية مع كرت الشاشة فاذا بتقدر جيب كرت شاشة تاني وجربو بجهازك وشوف الوضع والله اعلم
على كل هادا توقعي وانا مالي خبير ولا لي شي ويا ريت اكون قدرت اجاوبك وان شاء الله يمشي الحال معك
تحياتي

[SuperVisor]

الأغلب أن العذر هو عدم توافق بين كرت الشاشة والجهاز أو تعريف غير مناسب لكرت الشاشة
على كل حال عندي سؤال: كيف أداء الألعاب عندك ؟؟ فيه مشاكل ولا لأ

[عاشق الغزالي]

على فكرة كرت الشاشة شغال على غير جهاز ..... وأداء الالعاب كمان نظامي مع معظم الألعاب القديمة شوي "لأنو الكرت 32" .... والقطع كانت متوافقة تماماً من 3 سنين حتى ما قبل شهرين من الآن .....
سلمات ....