كيفية حماية الأطفال من التحرش الجنسي

[ياسمينة1992]

مرحبا ياجماعة
أول الشي بطلب من الأخوة المشرفين تثبيت هاد الموضوع نظرا لأهميته الكبيرة وشكرا0
والموضوع هو كيفية حماية الأطفال من الايذاء الجنسي وللأسف هي الظاهرة صايرة منتشرة بمجتمعاتنا بشكل كبير نتيجة لعدم اهتمامنا بالتوعية الجنسية المناسبة وبالطريقة المناسبة وبالوقت المناسب للأطفال0

1 - لهيك من أول وأهم الخطوات الرئيسية انو يكون في علاقة قوية بين الشخص الناصح والطفل وفي ثقة متبادلة

2 - وبعدين لازم نفتح الموضوع مع الأطفال ابتداء من3سنين ونص بطريقة سلسة ولطيفة ومايكون فيها تأنيب وتخويف من هالشي انما الحذر منه,والمهم نعلم الطفل انو يقول لا وقت يشوف انو في شي غلط أو غير مألوف عم يصير,ولازم ندعم الطفل نفسيا بانو هوي بيقدر يقول لا بدون مايخاف من أي تهديد وانو هوي وقت عم يعمل صح فما بيقدر حدا يئذيه,أما اذا تعرض لاجبار من قبل المؤذي فبامكان الطفل يقول للمؤذي انو رح يحكي ع اللي عم يعملو وضروري يكون الطفل هون عندو قوة ونحنا لازم نزرعلو ياها وبالأخير اذا ما نفع كل هالشي مع المؤذي لازم يعرف الطفل انو لازم يصيح ويعيط حتى العالم تيجي وتساعدو,

3 - وكمان من الضروري كتييير انو نوعي الطفل على عدم تقبل هالأمور نهائيا من القريب قبل البعيد يعني مو اذا كان المؤذي قريب فمنسمحلو لا اي شخص مالازم يعمل هالشي فمثلا فينا نقلو للطفل انو الله شايفنا والله رح يزعل منك كتير اذا بتغلط او بتسمح لحدا انو يغلط000

4 - وطبعا لازم نوعي الطفل ع الأماكن الحساسة بجسمو وهالشي بيكون بانو نرسملو مثلث على جسمو من الأمام تكون قاعدتو للأعلى وذروتو للأسفل ومثلث من الخلف بس قاعدة المثلث هاد للأسفل وذروتو للأعلى ونقول للطفل انو هالمثلثين من جسمنا ما بيصير حدا يشوفهم أو يلمسهم أو يلعب فيهم
بس معليش الماما تشوفهم و الطفل بسس وقت الحمام وضروري اذا صار شي مع الأطفال لاسمح الله انو يجوا ويخبرونا فورا ووقتها نحنا مارح نعيط عليهم أو نجازيهم ورح نوقف معهم المهم يحكولنا عن كل شي وما يخافوا من أي تهديد لأنو نحنا رح نساعدهم0

5 - وطبعا كل هالحكي لازم ينقال للطفل بطريقة سلسة وصحيحة بدون أي تعقيد أو تخويف وهالطريقة لاتخلو من الضحكة وزرع الثقة بنفس الطفل0لأنو الأذية الجنسية عند الطفل يمكن ما تأثر عليه بمرحلة الطفولة بس وقت يكبر ويوعى رح تسببلو عقدة نفسية أو شذوذ جنسي أو نفور هاد اذا ما كان في أذية جسمية0 لهيك نحنا لازم نوعي الطفل من بكير لأنو الطفل وقت يتعرض للأذية اما انو مابيكون بيعرف أو بيخاف يقول,


6 - وبالأول وبالأخير والأهم انو يضل الطفل تحت مراقبتنا ورعايتنا الكاملة والدائمة


0والله يحميلنا أطفالنا0

وأرجو اللاستفادة للجميع0
شاركوني بآرائكم00

للمزيد من مواضيعي

 

[ياسمينة1992]

يعني عنجد كلكم ذوق اي اي انتو يللي كبرتولي الخط ولونتوه ونسقتوه شكرا كتيييييييييييييييييييييييييييييييييييييييييييييييي ييييييييييييييييييييييييييييييييييييييير اكم وياريت أعرف مين حضرتكم
بس ليش الأخوة المشرفين ما ثبتوا الموضوووووووووووووووع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟يعني والله مابدي ياه يتثبت غير مشان الكلل يستفاد أكيد مو مشان شي تاني!!

[ياسمينة1992]

??????

[ياسمينة1992]

هلأ ليش الموضوع ما تثبت؟ ياريت اللي عندو فكرة يخبرني؟؟؟لأني أنا جديدة بهالشغلات وما بعرف شروط التثبيت

[ياسمينة1992]

شكرا كتير

[--OMAR--]

اهلا و سهلا ياسمينة 1992
اول شي مشكورة ع موضوعك
تاني شي الشباب هون بالمنتدى هلق في ضغط الفحص (انتي ادرى)
و ما حدا فاضي يقرأ و يعلق ع اي موضوع في منتدى غير دراسي
و هلشي ما بينقص من قيمة موضوعك بس بالوقت المناسب بتجي الردود ع موضوعك
مشكورة ثانية"

[hareth-b]

موضوع جميل جداً بكلام واضح للجميع
برافو

[pinkhiba]

مرحبا ياسمينة.....
و انا بصراحة معجبة فيك و بقوتك بعرض هالموضوع لانك صغيرة بالعمرو برافو عليك و ناطرين منك اسا ان شاء الله..