ما هي حدود العلاقة بين طلاب الطب ؟؟

[Dr.Hacker]

طرحت هذا السؤال مع نفسي هندما عايدت زميلي في الكلية على التلفون فسألته شلونك فأجابني تمام شلون الدراسة !!

والشي يلي بجنن أكثر لما أرسلت لزميل آخر رسالة SMS والرسالة كانت :
" الورد من زمان لميته
قصدي للعيد خبيته
ولأغلى الناس أهديته
وقبل الكل هنيته "

فرد علي الرسالة الآتية :
"حبيت أبعتلك كل عام وأنت بخير مع العصفور بس خفت عليك من انفلونزا الطيور"

بصراحة حسب ما أحصيت : الطلاب أمضوا العيد إما دراسة أو عايدوا القرايبين وبالكتير تلفونات أرضية لطلاب الثانوي .
فهل العلاقة السطحية محصورة في طلاب طلاب الطب أم في كافة الكليات ومهما كان فلماذا ؟!!

Dr.Hacker

للمزيد من مواضيعي

 

[PREFETCH]

صار الواحد يفكر دايما أنو اول سؤال لازم يكون عن الدراسة حتما وبعدين الأشياء التانية على كلن بقول هذه حالنا وما باليد حيلةوالسلام ختام

[n.s]

..
والله هالشي مألوف بين طلاب الطب ..
وكتر بزعل لما بشوف غيرنا بغير كليات علاقاتهم كتير احسن ..
..

اليوم سمعت طالبة سادس عمبتحكي مع طالبة رابع بتقللا بدك تقارني معدلاتك برفقاتك لانه هنن المنافسين فيا بتاخدي اختصاصن يا بدن ياخدوا اختصاصك هيك بالحرف الواحد ..
فوقتا عرفت ليش هالعداوة المسبقة ..
كل واحد بسال التاني كنت عمبتدرس ..
ولا تقوقوا ذنب عمبنعمله ..والتاني بخاف وبقلله لا كنت نايم ........؟؟؟؟؟؟؟؟؟؟؟؟؟؟؟؟
يمكن هادا السبب ...
مو ناقص غير تقللا علوا اذا بتقدري ما تفيدي حدا وتضلي تدعي كل الوقت انه ما حدا يفهم غيرك انت بكون احسن مشان بكرة ما بضل غيرك فهمان بالبلد فبكتر رزقك ..
استغفر الله ..
العالم بتفكر بطريقة غريبة ..كانه مافي قدر ومافي رب كاتب لكل واحد مستقبله باصغر تفاصيله ..
ليش هالغيرة والبحث والحقد ما بعرف ..
جو كتير متوتر بسبب الاختصاص ......؟؟؟؟
قديش حجم الاختصاص مقابل القلوب الصافية والعلاقات السليمة ..؟؟
على كل .
الكليات مليانة طلاب ..عقولن ..حسيتا ..وحسب الاشخاص اللي عرفتن ..
شوي متفتحة اكتر ..
كتير مبسوطة اكتر ..
وشاطرة وفهمانة برواق ومحبة اكتر
هادا وضعنا ..والكل عمبشتكي منه ..ومالنا عرفانين اذا كل واحد متدايق من هالوضع ..مين لكان اللي عمبيعمل هالجو ..
هون السؤال ..؟؟
الله يصلحنا